Name: ಪುಲಿಕೇಶಿ-ಟಿ-ಶರ್ಟ್
Brand: karnatabala
Price: 449 INR
Availability: InStock

ಭಾರತದ ನೌಕಾಪಡೆಯ ಪಿತಾಮಹ, ಚಾಲುಕ್ಯ ಕುಲತಿಲಕ, ಪರಮೇಶ್ವರ ಇಮ್ಮಡಿ ಪುಲಿಕೇಶೀ ಬರೀ ಕರ್ನಾಟಕದ ಇತಿಹಾಸದಲ್ಲಷ್ಟೇ ಅಲ್ಲ ಪ್ರಪಂಚದ ಇತಿಹಾಸದ ಪುಟದಲ್ಲೇ ಧ್ರುವತಾರೆಯಂತೆ ಮೆರೆಯುತ್ತಿರುವ ಅರಸ. ಭಾರತದ ನಾಲ್ಕು ಮೂಲೆಯ ಅರಸರನ್ನೆಲ್ಲ ಬಗ್ಗು ಬಡಿದು, ಈಗಿನ ಇರಾನ್-ಇರಾಕ್ ದೇಶಗಳವರೆಗೂ ತನ್ನ ರಾಜತಾಂತ್ರಿಕ ಸಂಬಂಧವನ್ನು ಸಾಧಿಸಿದ್ದ, ಇರಾನ್-ಇರಾಕ್ ಪ್ರಾಂತಗಳ ಯುದ್ಧಗಳಲ್ಲೂ ಪ್ರಮುಖ ಪಾತ್ರ ವಹಿಸಿದ್ದ ಇಮ್ಮಡಿ ಪುಲಿಕೇಶಿಯ ಕುರಿತಾಗಿ ಚುಟುಕಾಗಿ ಹೇಳಿ ಮುಗಿಸುವುದು ಅಸಾಧ್ಯವಾದ ಮಾತು. ಭಾರತದ ಮೇಲೆ ಆದ ಮೊದಲ ಇಸ್ಲಾಮಿಕ್ ಅತಿಕ್ರಮಣವನ್ನು ಇಂದಿನ ಮುಂಬೈ ಬಳಿ ಹಿಮ್ಮೆಟ್ಟಿಸಿದ ಕೀರ್ತಿ ಕೂಡ ಈ ಇಮ್ಮಡಿ ಪುಲಿಕೇಶಿಗೆ ಸಲ್ಲಬೇಕು. ಇಂತಹ ಸಾಮ್ರಾಟನೊಬ್ಬ ನಮ್ಮ ಕನ್ನಡ ಭಾಷಿಕನು ಎಂದು ಹೇಳಿಕೊಳ್ಳುವುದೇ ಕನ್ನಡಿಗರಿಗೆ ಹೆಮ್ಮೆಯ ವಿಚಾರ. ಈ ಹೆಮ್ಮೆಯ ಅಭಿಮಾನವನು ಮೆರೆಯುವುದಕ್ಕೋಸ್ಕರ ಸಿದ್ಧಪಡಿಸಿದ್ದೇ ಇಮ್ಮಡಿ ಪುಲಿಕೇಶೀ ಥೀಮ್ ನ ಈ ವಿನ್ಯಾಸ. ಇಲ್ಲಿ ಚಾಲುಕ್ಯರ ರಾಜ ಲಾಂಛನದ ಕಾಡು ಹಂದಿಯ ಮುಖ ತೆಗೆದುಕೊಂಡು ಅದರೊಳಗೆ ಇಮ್ಮಡಿ ಪುಲಿಕೇಶಿಯನ್ನು ಚಿತ್ರಿಸಲಾಗಿದೆ. ಆತನ ಮೊಟ್ಟ ಮೊದಲ ನೌಕಾಪಡೆಯ ಕುರುಹಾಗಿ ಹಡಗನ್ನು ಚಿತ್ರಿಸಲಾಗಿದ್ದು ಪುಲಿಕೇಶಿಯನ್ನೂ ಹಾಗು ಆತನ ನೌಕಾಪಡೆಯನ್ನು ಅಜರಾಮರವಾಗಿಸುವ ಪ್ರಯತ್ನದ ಭಾಗವಾಗಿ ಈ ವಿನ್ಯಾಸ ಮೂಡಿಬಂದಿದೆ.