Name: ವಿಷ್ಣುವರ್ಧನ ನಾಗರಹಾವು - ಟಿ - ಶರ್ಟ್
Brand: karnatabala
Price: 449 INR
Availability: InStock

ಅಭಿಮಾನಿಗಳಿಂದ ಅಭಿನವ ಭಾರ್ಗವ, ಸಾಹಸ ಸಿಂಹ ಎಂದೆಲ್ಲಾ ಕರೆಸಿಕೊಳ್ಳುವ ಡಾ.ವಿಷ್ಣುವರ್ಧನ್ ಕನ್ನಡ ಚಿತ್ರರಂಗ ಎಂದೆಂದೂ ಮರೆಯಲಾರದಂತಹ ನಟ. ಕಾದಂಬರಿ ಆಧಾರಿತ ಚಿತ್ರ ‘ವಂಶವೃಕ್ಷ’ ದಿಂದ ಆರಂಭವಾದ ಅವರ ಚಿತ್ರರಂಗದ ಬದುಕು ವರ್ಣರಂಜಿತವಾಗಿತ್ತು. ನಾಗರಹಾವು, ಭೂತಯ್ಯನ ಮಗ ಅಯ್ಯು ತರಹದ ಚಿತ್ರಗಳು ಅವರ ಆರಂಭದ ದಿನಗಳಲ್ಲೇ ಅಪಾರ ಜನ ಮನ್ನಣೆ ತಂದುಕೊಟ್ಟವು. ತನ್ನದೇ ಆದ ವಿಶಿಷ್ಟ ಶೈಲಿಯಿಂದ ಯುವ ಜನಮನ ಗೆದ್ದಿದ್ದ ವಿಷ್ಣುವರ್ಧನ್ ನಟನೆಯಲ್ಲಿ ಬಹು ಎತ್ತರಕ್ಕೆ ಏರಿದ ನಟನಾಗಿ ಹೊರ ಹೊಮ್ಮಿದ್ದರು. ಚಿತ್ರ ಜಗತ್ತಿನಲ್ಲಿ ಮಾತ್ರವಲ್ಲದೆ ಆಧ್ಯಾತ್ಮದತ್ತಲೂ ಬಹಳಷ್ಟು ಒಲವನ್ನು ಹೊಂದಿದ್ದ ವಿಷ್ಣುವರ್ಧನ್ ಕೆಲವು ಆಧ್ಯಾತ್ಮಿಕ ವಿಷಯಗಳನ್ನು ಆಳವಾಗಿ ಅಧ್ಯಯನ ಮಾಡಿದ್ದರು. ಕನ್ನಡ ಭಾಷೆಯ ಪರವಾಗಿ ಗೋಕಾಕ್ ಚಳುವಳಿ ನಡೆಯುತ್ತಿದ್ದ ಕಾಲದಲ್ಲಿ ಡಾ.ರಾಜ್ ಕುಮಾರ್ ಅವರ ಜೊತೆ-ಜೊತೆಗೆ ವಿಷ್ಣುವರ್ಧನ್ ಕೂಡ ಬೀದಿಗಿಳಿದು ಹೋರಾಟ ಮಾಡಿದ್ದರು. ಕನ್ನಡ ನಾಡು-ನುಡಿ-ಜಲದ ವಿಚಾರದಲ್ಲಿ ಎಷ್ಟೋ ಬಾರಿ ಹೋರಾಡಿ ಯುವಕರಿಗೆ ಹಾಗು ಇನ್ನಿತರ ಚಿತ್ರರಂಗದ ಪ್ರಮುಖರಿಗೆ ಮಾದರಿಯಾಗಿದ್ದರು. ಇಂತಹ ನಟನನ್ನು ಸ್ಮರಿಸುವುದು ಕನ್ನಡಿಗರಿಗೆ ಅತ್ಯಂತ ಅಭಿಮಾನಯುಕ್ತವಾದ ಕಾರ್ಯ. ಅದಕ್ಕಾಗಿ ಸಿದ್ಧಗೊಂಡಿದ್ದೆ ಈ ವಿನ್ಯಾಸ.