Name: ರಾಜಕುಮಾರ ನಾ ನಿನ್ನ ಮರೆಯಲಾರೆ - ಟಿ - ಶರ್ಟ್
Brand: karnatabala
Price: 449 INR
Availability: InStock

ಡಾ.ರಾಜ್ ಕುಮಾರ್ ಕನ್ನಡ ಚಿತ್ರರಂಗ ಮಾತ್ರವಲ್ಲದೆ ಕನ್ನಡಿಗರೆಲ್ಲರೂ ಸದಾ ಸ್ಮರಿಸಿಕೊಳ್ಳುವ ಅಭೂತಪೂರ್ವ ವ್ಯಕ್ತಿತ್ವವನ್ನು ಹೊಂದಿದ್ದ ನಟ. ನಟನಾ ರಂಗವನ್ನು ದಾಟಿ ಹೊರಬಂದು ಕನ್ನಡ ನಾಡು-ನುಡಿ-ನೀರಿನ ವಿಷಯಗಳಲ್ಲಿ ಬೀದಿಗಿಳಿದು ಹೋರಾಡಿದ, ಇಡೀ ಕನ್ನಡ ಚಿತ್ರರಂಗವನ್ನು ಕನ್ನಡಕ್ಕಾಗಿ ಸಜ್ಜುಗೊಳಿಸಿದ ಕನ್ನಡ ಪರ ಆಂದೋಲನಗಳಿಗೆ ತಂದು ನಿಲ್ಲಿಸಿದ ಕೀರ್ತಿ ನಮ್ಮ ವರನಟ ಡಾ.ರಾಜ್ ಕುಮಾರ್ ಅವರಿಗೆ ಸಲ್ಲಬೇಕು. ಕನ್ನಡ ಮಾತಾಡಿದರೆ ಅಣ್ಣಾವ್ರ ತರ ಇರಬೇಕು, ಊಟ ಮಾಡಿದರೆ ಅಣ್ಣಾವ್ರ ತರ ಊಟದ ತಟ್ಟೆ ಖಾಲಿಯಾಗಿರಬೇಕು ಎಂದು ಈಗಲೂ ಅವರ ಅಭಿಮಾನಿಗಳು ಅವರನ್ನು ಜ್ಞಾಪಿಸಿಕೊಳ್ಳುವುದುಂಟು. ಅವರ ನಟನೆಯ ಬಗ್ಗೆ ವಿಶೇಷವಾಗಿ ಹೇಳುವ ಅಗತ್ಯವಂತೂ ಇಲ್ಲವೇ ಇಲ್ಲ. ಭಾರತ ಸರ್ಕಾರದ ಪದ್ಮ ಭೂಷಣ, ದಾದಾಸಾಹೇಬ್ ಫಾಲ್ಕೆ ಪ್ರಶಸ್ತಿಗಳ ಜೊತೆಗೆ ಕರ್ನಾಟಕ ರಾಜ್ಯದ ಅತ್ಯುನ್ನತ ಪ್ರಶಸ್ತಿಯಾದ ಕರ್ನಾಟಕ ರತ್ನಕ್ಕೂ ಭಾಜನರಾದವರು ಅಣ್ಣಾವ್ರು. ನಟನೆಯಲ್ಲಿ ಅವರನ್ನು ಸರಿಗಟ್ಟುವರು ಯಾರು ಇಲ್ಲವೇನೋ ಎನ್ನುವಷ್ಟರ ಮಟ್ಟಿಗೆ ವಿಖ್ಯಾತಿಯನ್ನು ಹೊಂದಿರುವ ಅವರು ಕನ್ನಡ ಮಾತ್ರವಲ್ಲದೆ ಇತರ ಭಾಷಿಕ ಅಭಿಮಾನಿಗಳನ್ನು ಹೊಂದಿರುವುದು ವಿಶೇಷ. ಇಂತಹ ಅಣ್ಣಾವ್ರನ್ನು ನಮ್ಮ ಯುವಜನತೆಯ ನಡುವಲ್ಲಿ ಸದಾ ಹಸಿರಾಗಿಡಲು ‘ನಾ ನಿನ್ನ ಮರೆಯಲಾರೆ’ ಚಿತ್ರದ ಬೈಕ್ ರೈಡರ್ ಪಾತ್ರದ ಈ ಚಿತ್ರವನ್ನು ತೆಗೆದುಕೊಂಡು ಈ ಹೊಸ ವಿನ್ಯಾಸವನ್ನು ಮಾಡಲಾಗಿದೆ.