Name: ಮೈಸೂರು ಸಾಮ್ರಾಜ್ಯ - ಟಿ - ಶರ್ಟ್
Brand: karnatabala
Price: 449 INR
Availability: InStock

ಕನ್ನಡ ಸೀಮೆಯನ್ನಾಳಿದ ಕಟ್ಟ ಕಡೆಯ ರಾಜಮನೆತನ ನಮ್ಮ ಮೈಸೂರು ರಾಜಮನೆತನ. ಆಧುನಿಕ ಕರ್ನಾಟಕಕ್ಕೆ ನಾಂದಿ ಹಾಡಿ ಕರ್ನಾಟಕದ ಮೈಸೂರು ಪ್ರಾಂತ್ಯವನ್ನು ಇಡೀ ಭಾರತವೇ ತಿರುಗಿ ನೋಡುವಂತೆ ಮಾಡಿದ ಮೈಸೂರು ಅರಸರನ್ನು ಹಳೆ ಮೈಸೂರು ಪ್ರಾಂತದ ಜನರು ಇನ್ನೂ ನೆನಪು ಮಾಡಿಕೊಳ್ಳುವುದು ಒಂದು ವಿಸ್ಮಯ. ತನ್ನ ವಂಶದ ಬಳುವಳಿಯಾಗಿ ಬಂದಿದ್ದ ಒಡವೆಗಳನ್ನು ಮಾರಿ ಕನ್ನಂಬಾಡಿ ಆಣೆಕಟ್ಟು ಕಟ್ಟಲು ಹಣ ಒದಗಿಸಿಕೊಟ್ಟ ರಾಜಮಾತೆ ಕೆಂಪನಂಜಮ್ಮಣ್ಣಿ ಇಡೀ ಮೈಸೂರು ಅರಸರ ವಂಶಾವಳಿಯಲ್ಲೇ ಅತ್ಯಂತ ಶ್ಲಾಘನೆಗೆ ಒಳಗಾದವರು. ಇನ್ನು ಬ್ರಿಟೀಷರ ಕಾಲದಲ್ಲೇ ಆಧುನಿಕ ಕೈಗಾರೀಕರಣದ ಕ್ರಾಂತಿಯ ಕನಸು ಕಂಡಿದ್ದ ನಾಲ್ವಡಿ ಕೃಷ್ಣರಾಜ ಒಡೆಯರ್ ಅವರು ಕಂಡಿದ್ದ ಕನಸನ್ನು ನನಸು ಮಾಡಿ ತೋರಿಸಿದವರು. ಸರ್ .ಎಂ. ವಿಶ್ವೇಶ್ವರಯ್ಯ, ಶೇಷಾದ್ರಿ ಐಯ್ಯರ್, ಮಿರ್ಜಾ ಇಸ್ಮಾಯಿಲ್ಲರಂತಹ ದೈತ್ಯ ಪ್ರತಿಭೆಗಳನ್ನು ಜನಸೇವೆಯಲ್ಲಿ ಬಳಸಿಕೊಂಡಂತಹ ಮೈಸೂರು ರಾಜ್ಯ ಜನಸೇವೆಯಲ್ಲಿ ಮಾದರಿಯಾಗಿ ಹೊರಹೊಮ್ಮಿತು. ಕರ್ನಾಟಕ ಸಾಮ್ರಾಜ್ಯದಿಂದ ಎರವಲು ಪಡೆದುಕೊಂಡ ಎಲ್ಲ ಸಾಂಸ್ಕೃತಿಕ ಆಚರಣೆಗಳನ್ನು ಪಾಲಿಸಿಕೊಂಡು ತಮ್ಮ ರಾಜ್ಯವನ್ನು ಮುಗಿಲೆತ್ತರಕ್ಕೆ ಬೆಳೆಸಿ ನಿಲ್ಲಿಸಿದ ಮೈಸೂರು ಸಾಮ್ರಾಜ್ಯ ಕನ್ನಡಿಗರು ಎಂದೆಂದಿಗೂ ನೆನಪಿಸಿಕೊಳ್ಳಬೇಕಾದ ಸಾಮ್ರಾಜ್ಯ.