Name: ಕುವೆಂಪು - ಟಿ-ಶರ್ಟ್
Brand: karnatabala
Price: 449 INR
Availability: InStock

ಕನ್ನಡ ನಾಡು ನುಡಿಯ ವಿಚಾರದಲ್ಲಿ ಸದಾ ಸಂವೇದನಾಶೀಲರಾಗಿದ್ದ ಕೆಲವೇ ಕೆಲವು ಸಾಹಿತಿಗಳ ಪೈಕಿ ರಸಋಷಿ ಕುವೆಂಪು ಅಗ್ರಗಣ್ಯರು. ಕವಿಯ ಕೆಲಸ ಬರಿಯ ಕಥೆ, ಕಾವ್ಯಗಳನ್ನು ರಚಿಸುವುದಲ್ಲ ಅವುಗಳನ್ನೂ ಮೀರಿದ ಸಾಮಾಜಿಕ-ಸಾಹಿತ್ಯಿಕ ಜವಾಬ್ದಾರಿಯೊಂದು ಕವಿ ಎನಿಸಿಕೊಂಡವನ ಮೇಲೆ ಇರುತ್ತದೆ ಎನ್ನುವುದು ಕುವೆಂಪು ಅವರ ಬಲವಾದ ನಂಬಿಗೆಯಾಗಿತ್ತು. ಆ ಕಾರಣದಿಂದಲೇ ಕನ್ನಡ ನಾಡು-ನುಡಿಯ ವಿಚಾರ ಬಂದಾಗ ಕುವೆಂಪು ಸಿಡಿಲ ಕಿಡಿಗಳಂತಹ ಕನ್ನಡ ಪರ ಹೇಳಿಕೆಗಳನ್ನು ಕೊಡುತ್ತಿದ್ದರು. ಓದುಗರಲ್ಲಿ ರಸಾನುಭೂತಿಯನ್ನು ಉಂಟು ಮಾಡುವ ಕಾವ್ಯಗಳನ್ನು ರಚಿಸುವುದರಲ್ಲಷ್ಟೇ ಅಲ್ಲದೆ, ಅದಕ್ಕೂ ಮೀರಿದ – ಜನಗಳೊಳಗೆ ಇರುವ ನಾಡು ನುಡಿಯ ಗೊಂದಲಗಳಿಗೆ ಉತ್ತರವೀಯುವ ಅನೇಕ ಪ್ರಯತ್ನಗಳಿಗೆ ಅವರು ಕೈ ಹಾಕಿದ್ದರು. ಕರ್ನಾಟಕ ಏಕೀಕರಣಕ್ಕೂ ಮುಂಚೆ, ಏಕೀಕರಣದ ಕಾವು ಏರಿದ್ದ ಕಾಲದಲ್ಲಿ ಮೈಸೂರಿನ ಮಹಾರಾಜಾ ಕಾಲೇಜಿನಲ್ಲಿ ನಡೆದ ಸಮಾರಂಭವೊಂದರಲ್ಲಿ ಭಾಷಣ ಮಾಡುವಾಗ ಏಕೀಕರಣದ ಪರವಾಗಿ ಕುವೆಂಪು ಮಾತನಾಡಿದ್ದರು. ಇದು ಆಗಿನ ಸಚಿವರೊಬ್ಬರಿಗೆ ಹಿಡಿಸಲಿಲ್ಲ, ಅದೇ ಕಾರಣದಿಂದ ಕೆಲವೇ ದಿನಗಳಲ್ಲಿ ಕುವೆಂಪು ಅವರಿಗೆ ಎಚ್ಚರಿಕೆಯ ನೋಟಿಸ್ ಬಂದಿತ್ತಂತೆ. ಅದಕ್ಕೆ ಪ್ರತ್ಯುತ್ತರವಾಗಿ ಅವರು ಬರೆದ ಕವನವೇ ‘ಅಖಂಡ ಕರ್ನಾಟಕ’. ಕರ್ಣಾಟಕ ಎಂಬುದೇನು ಹೆಸರೆ ಬರಿಯ ಮಣ್ಣಿಗೆ? ಮಂತ್ರ ಕಣಾ! ಶಕ್ತಿ ಕಣಾ! ಎಂಬ ಸಾಲನ್ನು ಅದೇ ಪದ್ಯದಿಂದ ತೆಗೆದುಕೊಂಡು ಕುವೆಂಪು ಅವರ ನೆನಪನ್ನು ಅದರೊಳಗೆ ಬೆರೆಸಿ ಈ ವಿನ್ಯಾಸವನ್ನು ಸಿದ್ಧಪಡಿಸಲಾಗಿದೆ. ಈ ಪದ್ಯ ಈಗ ‘ಇಕ್ಷು ಗಂಗೋತ್ರಿ’ ಎಂಬ ಕವನ ಸಂಕಲನದಲ್ಲಿ ಪ್ರಕಟವಾಗಿದೆ. ಕನ್ನಡ ನಾಡು-ನುಡಿ ಪರ ಒಲವುಳ್ಳ ಜನ ಸಾಮಾನ್ಯರಿಗೂ ಈ ಪದ್ಯ ಮತ್ತು ರಸಋಷಿ ಸ್ಪೂರ್ತಿಯಾಗಬಲ್ಲರು.