Name: ಕರ್ವಾಲೋ – ಟಿ-ಶರ್ಟ್
Brand: karnatabala
Price: 449 INR
Availability: InStock

ನಮ್ಮ ಮಲೆನಾಡಿನ ಕಾಡುಗಳನ್ನು, ಅಲ್ಲಿನ ಜೀವ ಜಗತ್ತಿನ ಕೌತುಕಗಳನ್ನು, ಅಲ್ಲಿನ ವೈಜ್ಞಾನಿಕ ದೃಷ್ಟಿಕೋನಗಳನ್ನು, ಅವುಗಳ ಜೊತೆ ಜೊತೆಗೆ ಅರಳಿಕೊಂಡ ಜನಾಂಗವನ್ನು, ಆ ಜನಾಂಗ ಬೆಳೆಸಿದ ಸಂಸ್ಕೃತಿಯನ್ನು ಬಹುಶಃ ಪೂರ್ಣ ಚಂದ್ರ ತೇಜಸ್ವಿಯವರಷ್ಟು ಯಾರೂ ಸೆರೆ ಹಿಡಿಯಲಾರರು. ಈ ಎಲ್ಲಾ ವಿಚಾರಗಳಲ್ಲೂ ಸಾಮಾನ್ಯ ಜನರಿಗೆ ಇರದ ಯಾವುದೋ ಒಂದು ದೃಷ್ಟಿ ಕೋನ ತೇಜಸ್ವಿಯವರಲ್ಲಿತ್ತು ಎನಿಸುತ್ತದೆ. ಅಂತಹ ದೃಷ್ಟಿಕೋನಕ್ಕೆ ಪುಷ್ಟಿ ಕೊಡುವ ಕಾದಂಬರಿಯೇ ಕರ್ನಾಟಕದ ಯುವ ಓದುಗರ ನೆಚ್ಚಿನ ‘ಕರ್ವಾಲೋ’. ಅದರಲ್ಲಿನ ಜೀವಶಾಸ್ತ್ರಜ್ಞ ಕರ್ವಾಲೋ ಸಾಹೇಬರ ಸೃಷ್ಟಿ ತೇಜಸ್ವಿಯವರ ಅದ್ಭುತಗಳಲ್ಲೊಂದು. ಪ್ರಕೃತಿಯನ್ನು ತಾವು ನೋಡುವ ದೃಷ್ಟಿಕೋನವನ್ನು ಕರ್ವಾಲೋ ಸಾಹೇಬರ ಜೀವನದೊಳಕ್ಕೆ ಸೇರಿಸಿ ಕಥೆ ಹೆಣೆದಿರುವುದು ತೇಜಸ್ವಿಯವರ ಚತುರತೆ. ಇನ್ನು ಇಡೀ ಕಥೆಯ ಕೇಂದ್ರ ಬಿಂದು ‘ಹಾರುವ ಓತಿ’ ಓದುಗರಲ್ಲಿ ವೈಜ್ಞಾನಿಕ ಚಿಂತನೆಗಳನ್ನು ಬಿತ್ತುತ್ತದೆ ಎನ್ನುವುದು ಈಗ ಸಾಬೀತಾಗಿರುವ ವಿಚಾರ. ಹಾರುವ ಓತಿಯಂತಹ ಸಣ್ಣ ಜೀವಿಯೊಂದು ಕನ್ನಡ ಭಾಷಿಕರಲ್ಲಿ ವೈಜ್ಞಾನಿಕ ಚಿಂತನೆಗಳನ್ನು ಬಿತ್ತಿ-ಬೆಳೆದುದರ ಹಿಂದಿರುವ ಆ ಜಾದೂಗಾರ ಪೂರ್ಣ ಚಂದ್ರ ತೇಜಸ್ವಿಯವರು. ಜನ ಪೂರ್ಣ ಚಂದ್ರ ತೇಜಸ್ವಿಯವರನ್ನು ಮರೆತರೂ ಮರೆಯಬಹುದು, ಆದರೆ ಕರ್ವಾಲೋ ಎಂಬ ಹೆಸರನ್ನು ಮರೆಯಲಾರರು. ತೇಜಸ್ವಿಯವರ ಆ ಪಾತ್ರ ಸೃಷ್ಟಿ ಮಾಡಿದ ಪವಾಡವಿದು. ಆ ಪವಾಡಕ್ಕೆ ಗೌರವ ಸೂಚಕವಾಗಿಯೇ ನಮ್ಮ ಈ ವಿನ್ಯಾಸ ನಿಮಗಾಗಿ.